دوای ئەو ڕەشگیریەی لە مانگی ٥/٢٠٢٠ پارتی لە سنوری بادینان دەستی پێکردوە دژی چالاکوانان و ئەو کەسانەی کە بەشداری خۆپیشاندانەکانی ئەو سنورەیان کردووە، تاوەکو ئێستا ژمارەی دەستگیر کراوان گەیشتون بە ٧١ کەس و ژمارەیەکیان سزادراون بە ٦ ساڵ زیندانی کردن، یەکیک لەو چالاکوانانەی بە ناوی (دانیار محمد حسن) کە پەیوەندی بەو زیندانیانەوە هەیە هەڵهاتووە بۆ دەرەوەی هەرێم.
 
 
(دانیار محمد) پەیوەندی هەبووە بە هەندێک لە دەستگیر کراوەکان و هاوکاری کردوون لە کاری ڕێکخراوەیی و ڕێکخستنی خۆپیشاندانەکان و یەکێک بووە لەو کەسانەی کە کەیسی ئەو دەستگیر کراوانەی بە چەندین راگەیاندن و ڕێکخراو گەیاندووە.
 
 
ئەو ٧١ زیندانیە هەندێکیان بە ٦ ساڵ زیندانی سزادراون و هەندێکی تریان بەردەوام و بۆ ماوەی ساڵێکە دادگایەکانیان دوادەخرێت سەرەڕایی ناڕەزایی ڕێکخراوە ناوخۆیی و نێودەوڵتەیەکان و کونسوڵخانە و نێردە نێودەوڵەتیەکان.
 
 
ئەو تۆمەتانەی دراوەتە پاڵ لەو سزادراوانە لەوانە شێروان شێروانی و هاوڕێکانی سیخوڕی بۆ کونسوڵخانەکان بووە و کونسوڵخانەکانی ئەمریکا و بەریتانیا و کەنەدا ئیدانەی ئەو تاوانانەیان کردووە سەرەڕایی ئەوە سزادراون، وە هەندێکی تریان وەک بەدەل بەرواری دادگایەکانی بەردەوام دوادەخرێت و تاوانەکانی هەوڵدانە بۆ ڕێکخستنی خۆپیشاندان.
 
 
لەسەر ئەم کەیسە چەندین ڕێکخراوی نێودەوڵەتی و نێردەی وڵاتان، داویان کردووە کە مافی ئازادی ڕادەربڕین و ڕۆژنامەنوسان و چالاکوانان و خۆپیشاندەران بپاریزرێت لە هەرێمی کوردستانی عێراق و بەفەرمی نارەزایی خۆیان گەیاندووە بە حکومەتی هەریم کە ئەو سزادراوانە لە ژێر فشاری جەستەیی و دەرونیدا و ئەو وتانەیان پێ تۆمارکراوە و ئەو تاوانانەی ئاراستەیان کراوە لە دادگا بە ئامادەبونی چەندین ئەندام پەرلەمان تاوانەکان زۆر لاواز بوون، وە سزادراوەکان دوای سزادانیان و گواسنەوەیان تەنها چەند جارێکی و بۆ کاتێکی کەم خێزانەکانیان بینیوە و کێشیان زۆر دابەزیوە و باسیان لەژیر هەڕەشەی ئەتک کردندا ئیمزانیان پێ کراوە لەسەر ئەو تۆمەتانەی داوەتە پاڵیان.
 
وە چەندین کەمپین بۆ ئازادکرنیان سازدراوە لە کوردستان و دەرەوەی، وە بە بروای پارێزەران و دادنوسان کۆکردنەوەی زانیاری و خۆپیساندان و دروستکردنی گروپ چات و ئالوگۆری ڕۆژنامە نوسی تاوان نین و تۆمەتارکردنی کونسولخانەکان و دواتر گۆرینی تاوانەکانیان لە لایەن ئەو دادگایەی کە بە دەست حیزبەوەیە باشترین بەڵگەن بۆ ئەوەی تەنها لەسەر بیری ئازادی ئەو ٧١ کەسە زیندان و سزا دراون.
(دانیار محمد) لە ئێستادا یاداشتی دەستگیرکردنی هەیە و بەوهۆیەوە هەڵهاتووە بۆ دەرەوەی وڵات و نەزانراوە بۆ کوێ بەڵام ئەوەی ڕونە کە لە حاڵەتی دەستگیرکردنیدا لە ژێر ئەشکەنجەشدا بێت دانپیادانانی پێ ئیمزا دەکرێت و سزا دەدرێت.