لە ڕووداوێکی دەگمەندا، پیاوێکی بەڕیتانی لەلایەن برا بچووکەکەی کە ماوەی ٢٤ ساڵە ون بووە ، هەوڵی کوشتنی دەدرێت بەپێی هەواڵێکی رۆژنامەی The Timesی بەڕیتانی کێشەکە لەسەر میراتی باوکیان بووە.
ماڕتن ڕابانسەر ٣٥ ساڵ ڕایگەیاند، ئەو برایەم ٢٥ ساڵە بەشوێنیدا دەگەڕێین، لەناکاو دەرکەوت و چەندین جار بەچەقۆکەی کرد بە سینەمدا .
لەلای خۆیەوە پارێزەرەکەی مارتن ڕایگەیاند : ئیڤۆ برای بچووکی مارتنە کە ساڵی ١٩٩٧ لەتەمەنی هەژدە ساڵیدا پاش مردنی باوکی بەهۆی چەند کێشەیەک لە میراتیەکەیدا ماڵەکەی جێدەهێڵێت ،خێزانەکەی چەندین ساڵ بەشوێنیدا دەگەرێن .بەڵام پاش ٢٤ ساڵ دەگەرێتەوە و هەوڵی کوشتنی براکەی دەدات و لە ئیستادا بارودۆخی براکەی ناجێگیرە .
هەروەها دەڵێت، چەندین خێزانی دیکە لەم جۆرە کێشانەیان بۆ درووست دەبێت، بەڵام لەڕێی پارێزەرێکەوە کێشەکە چارەسەردەکرێت و هیچ کەسێک ماڵەکەی جێناهێلێت و پاش چەندین ساڵ بگەرێتەوە بۆ کوشتنیان .
تاوەکو ئێستا پۆلیس بەتەواوەتی هۆکارەک ڕووداوەکەی ئاشکرا نەکردووە، بەڵام بەپێی راپۆرتی دادوەری ئیڤۆ پاش جێهیشتنی ماڵەکەی لە گوندێکی باکوری بەڕیتانیا ژیانێکی سەختدا ژیاوە و چەندین کاری کردووە تاوەکو بژێوی ژیانی پەیدابکات، پاش گەرانەوەی بۆ شوێنی لەدایکبوونی و بینینی براکەی لە ماڵەکەیاندا کە خیزانی پێکهێناوە و ژیانێکی ئاسودەی هەیە ،پێدەچێت ئەوە هۆکاری هەوڵی کوشتنەکە بێت .
پارێزەرەکەی ڕایگەیاند، سیەکانی ماڕتن ڕابانسەر بەتەواوەتی وێران بووە ، بەڵام بارودۆخی بەرەو جێگیربوون دەچێت .
