هێزەکانی چاودێری دەریایی تورکیا ئاشکرایان کرد، لە کەناراوەکانی پارێزگای ئایدین لە رۆژئاوای وڵاتەکەیان توانیویانە 40 کۆچبەری نایاسایی لە خنکان رزگار بکەن، کە لە ناو دوو بەلەمدا لە دەریای ئیجەدا سەرگەردان بوون.
لە راگەیەندراوەکەدا ئاماژە بەوەشکراوە، کۆچبەرەکان لەلایەن هێزەکانی پاسەوانی دەریایی یۆنانەوە بەرەو سنوورە ئاوییەکانی تورکیاوە گەڕێندرابوونەوە، بەڵام دوای رزگارکردنیان، سەرجەمیان رەوانەی فەرمانگەی کۆچبەران کراون، بۆ ئەوەی رێکاری یاساییان بەرامبەر بگیرێتەبەر.
