ئەمینداری گشتی وەزارەتی پێشمەرگەی حکومەتی هەرێمی کوردستان رایگەیاند، لەم رۆژانەدا مووچەی لیوا هاوبەشەکانی وەزارەتی پێشمەرگە خەرجدەکرێت.
جەبار یاوەر، ئەمینداری گشتی وەزارەتی پێشمەرگەی حکومەتی هەرێمی کوردستان رایگەیاند، هەر کاتێک پارەکەی هاوپەیمانان بۆ دابەشکردنی مووچەی لیواکانی پێشمەرگە گەیشتە دەستمان دەست بە دابەشکردنی دەکەین و بریاریشە لەم رۆژانەدا بگات و دەست بە دابەشکردنی بکرێت.
سەبارەت بەوەی کە ئایا مووچەی چەند مانگیان پێ دەدرێت وتیشی:” نازانین تا ئەو کاتەی پارەکە نەگاتە دەستمان”.
بە گوێرەی زانیارییەکان بڕایارە رۆژی ١٩ و ٢٠ی ئەم مانگە مووچەی لیواکانی وەزارەتی پێشمەرگە دابەشبکرێت.
