ئەو كەسانەی هەفتەی رابردوو دزیان لەكۆمپانیایەكی بواری نیشتەجێبوون كرد لەسنووری گەرمیان، لەلایەن هێزە ئەمنییەكانی ئەو ناوچەیە دەستگیركران.
بەڕێوەبەرایەتی ئاسایشی گەرمیان لە ڕاگەیاندراوێكدا ئاماژەی بەوەكردووە: ”توانیویانە بە هاوكاری یاریدەدەری ئاسایشی كەلار و بنكەی ئاسایشی رزگاری تاوانبارانی دزیكردنەكەی هەفتەی ڕابردوو دەستگیر بكەن و دزەكان كارمەندبوون لەپرۆژەكە، كە یەكێكیان دانیشتووی قەزای كەلارە و ئەویتریان بەڕەگەز ئێرانیە. دزەكان توانیویانە بڕی 15 دەفتەر و 80 وەرەقە و1،591،000 یەك ملیۆن و پێنج سەد و نەوەد و یەك هەزار دیناریان دزیبوو لە پرۆژەیەكی نیستەجیبوون.
لە ڕاگەیاندراوەكەدا ئەوەش هاتووە، ”دوای بەدواداچونی هێزەكانی ئاسایش لەگەرمیان توانیان لەماوەیەكی كورتدا دزەكان دەستگیربكەن و بڕی پارەدزراوەكەش وەربگرنەوە.”
