ئەمشەو پۆلیسی گەرمیان دەستیان گرتووە بە سەر 12 بارهەڵگردا كە گومانی ئەوەیان لێدەكرێت قاچاخ بن و بۆ خوارووی عێراق رەوانە بكرێن.
سەرچاوەیەكی ئەمنی بە سنورمیدیای ڕاگەیاند” ئەمشەو بازگەیەكی پۆلیسی گەرمیان لە سێڕانی نەوجول- قادر كەرەم – دووز، دەستیان گرتووە بەسەر 12 بارهەڵگردا كە گومانی ئەوەدەكرێت، باری قاچاخیان پێبووبێت”.
وتیشی”بەشێكی بارهەڵگرەكان دەرمانیان پێبووە، بەشەكەی دیكەش جگەرە و ویستویانە بەرەو ناوەڕاست و خوارووی عێراق بڕۆن”.
ئەو سەرچاوەیە ئاماژەی بەوەشكرد، لەئێستادا هێزە ئەمنییەكان سەرقاڵی لێكۆڵینەوەن.
