هیبە مەبروک بلۆگەری میسری، دوای ئەوەی وێنەی هاوسەرگیریی لەگەڵ سەگێکدا بڵاوکردەوە لە تۆڕە کۆمەڵایەتییەکاندا، گاڵتە و تەنزێکی زۆری بەدوای خۆیدا هێنا لەلایەن هەوادارانییەوە.
هیبە مەبروک لە چەند وێنەیەکدا دەرکەوتووە کە تێیدا کراسێکی هاوسەرگیری لەبەرکردووە لەگەڵ سەگێکدا کە بە ملییەوە نوسراوێک هەڵواسراوە و تێیدا نوسراوە “ئاهەنگی هاوسەرگیری”.
هەواڵەکان باسیان لەوەکردووە کە ئەمە یەکەم جار نییە کە هیبە مەبرووک لەگەڵ سەغدا فۆتۆ بگرێت، پێشتر هاوسەرگیری لەگەڵ پیاوێکدا ئەنجامداوە و کوڕێکی لێی هەیە بەڵام بە جیابوونەوە کۆتایی پێ هاتووە، لە ساڵی ٢٠١٨ وە وەک یەکێک لە کەسایەتییە دیارەکانی سۆشیاڵ میدیا ناسراوە لە میسر، لە تۆڕی کۆمەڵایەتی ئینستاگرام زیاتر لە ملیۆنێک و ١٠٠ هەزار فۆڵۆوەرسی هەیە، بەشداری لە فیلمێکدا کردووە.
یەکێک لە لێدوانەکانی پۆستەکەی زۆر بە توندی هێرشی کردووەتە سەری و دەڵێت تەنانەت ئەگەر ئەمە تەنها بۆ تەنز و گاڵتەش بێت، ئەمە بێ ڕەوشتییە.
هیبا مەبروک لە وەڵامدا وتویەتی کە مەبەستی ئەوە نەبووە کە هەندیک کەس لێی تێگەشتووە، بێگومان ئەمە بۆ گاڵتەو خۆشی بووە.
