گەنجێكی دانیشتووی شاری هەولێر، لەكاتی مەلەكردندا لە بەنداوی سماقولی، خنكا و تەرمەكەشی لەلایەن تیمی مەلەوانییەوە لە ئاوەكە دەرهێنرا.
بەڕێوەبەرایەتی بەرگری شارستانی قەزای كۆیە، لە راگەیەندراوێكدا ئاشكرایكردووە، رووداوەكە ئێوارەی ئەمڕۆ هەینی روویداوە، گەنجە خنكاوەكە، ناوی بافڵ تەحسین حەمەئەمینە، تەمەنی 26 ساڵەو دانیشتووی گەڕەكی 5ی حەسارۆكە لەهەولێر، لەكاتی مەلەكردندا لە بەنداوی سماقولی، بەهۆی نەشارەزایی لە مەلەكردندا، خنكاوە.
بەرگری شارستانی كۆیە ئاماژەی بەوەشكردووە، دوای كەمتر لە یەك كاتژمێر، تیمەكانی مەلەوانی توانیویانە تەرمی گەنجەكە لەناو ئاودا دەربهێنن.
