سه‌رچاوه‌یه‌ك به سنورمیدیای ڕاگه‌یاند، جارێکی دیکە بەیان غەریب دەستگیرکراوەتەوە لەسەر توندوتیژی خێزانی و زیندانیکراوە لە بەڕێوەبەرایەتی توندوتیژی خێزانی قەڵا لە هەولێر و لە ئێستادا لێکۆڵینەوەی لەگەڵدا دەکرێت.
ئەوەشی خستووەتەڕوو، بەیان غەریب لەلایەن توندوتیژی خێزانی قەڵا و توندوتیژی خێزانی منارە سکاڵای لەسەر تۆمارکرابوو، بەڵام لە توندوتیژی منارە بە کەفالەت ئازادکراوە.
باسی لەوەشکردووە، لە شاری سلێمانیش سکاڵای لەسەر تۆمارکراوە و داواکراوە کە رادەستی دادگای سلێمانی بکرێت بە مەبەستی لێکۆڵینەوە.
بەیان غەریب؛ یەکێک بوو لە ئەکتەرە ناسراوەکانی کوردستان و چه‌ندین فیلم و درامای هه‌یه، بەڵام دوای ماوەیەک لە ونبوونی، لە سۆشیاڵ میدیاکان دەرکەوتەوە و كۆمه‌ڵێك گرته‌ی ڤیدیۆیی بڵاوده‌كرده‌وه، كه‌پێچه‌وانه‌ی كلتوری كورد بوو، لە سەرەتای مانگی شوباتدا و لەسەر داوای داواکاری گشتی دەستگیرکرا، کە سەرەتای دەستگیرکردنەکەی لەسەر سکاڵای هاوڵاتییەک بوو، کە وتبووی “خێزانەکەی هەڵخەڵەتاندووە” و دواتر چەند هاوڵاتیەکی دیکە سکاڵایان لەسەری تۆمارکرد.
