سنور ميديا
ئەمڕۆ هەینی، عەمار حەکیم سەرۆکی رەوتی حیکمە گەیشتە شاری کەرکوک و لەلایەن راکان جبوری پارێزگاری کەرکوک بە وەکالەت و بەرپرسانی دیکەی شارەکەوە پێشوازی لێکرا.
سەبارەت بە سەردانەکەى بۆ کەرکوکیش عەمار حەکیم بە رۆژنامەنوسانى وت، بەمەبەستى ئاگادار بوون لە دۆخى شارى کەرکوک و لە نزیکەوە بینینى پێکهاتەکانى شارەکە و گوێگرتن لێیان سەردانەکەى ئەنجام دەدات.
هەروەها ئاماژەى بەوەشکردوە، کەرکوک بەلای حزبەکەیەوە شارێکى گرنگە کە بەوتەى خۆى هیچى کەمترى نییە لە بەغداو بەسرە.
حەکیم بەر لەسەردانەکەى بۆ کەرکوک ئەوەشى وت، پێویستە سەرجەم پێکهاتەکانى شاری کەرکوک بە ئاشتی و برایەتی بژین و بەشدارن بن لەئیدارەو خێرو بێرى کەرکوک.
