سنور ميديا
59 (پەنجا و نۆ) ئەندامی پەرلەمانی کوردستان واژۆیان لەسەر یاداشتێک کردوە بۆ هەڵوەشاندەوەی لێبڕینی موچە و داوایانکرد پەرلەمان کۆبونەوەیەکی تایبەت بەو پرسە بەئامادەبونی بەرپرسانی حکومەت ئەنجام بدات.
هه‌لز ئه‌حمه‌د، ئەندامانی فراکسیۆنی یەکگرتو لەپەرلەمانی کوردستان رایگەیاند، ئەمڕۆ دوشەممە 59 (پەنجا و نۆ) ئەندامی پەرلەمانی کوردستان کەزیاترە (50+1)ـی پەرلەمانتاران واژۆیان لەسەر یاداشتێک کردوە لەبارەی “نایاسایی بونی لێبڕینی 21%ی موچەی فەرمانبەران و ئەگەر حکومەتیش ئامادەنەبو، پەرلەمان خۆی بڕیاری یاسایی بۆ هەڵوەشاندنەوەی لێبڕینی موچە دەردەکات”.
ئاماژەی بەوەشکردوە، “لەو کۆبونەوەیەدا بۆ رایگشتی دەردەکەوێت کێ پشتیوانی لە ستەمی لێبڕینی موچە دەکات و کێش لەگەڵ ئەوانەدایە کە ستەم لێکراون”.
لە کۆبونەوەی ئەمڕۆی پەرلەمانیش مشتومڕێکی گەرم لەبارەی لێبڕینی موچەی فەرمانبەرانی هەرێمی کوردستان دروستبو و بەشێک لەپەرلەمانتاران داوایان کرد حکومەتی هەرێمی کوردستان رونکردنەوە لەسەر لێبڕینی موچە بدات.
