سنور ميديا
وەزیری كشتوكاڵ و سەرچاوەكانی ئاو دەڵێت، سبەى یەکشەممە، مەسرور بارزانی سەرۆکی حکومەت بۆ دانانی بەردی بناغەی چەند پڕۆژەیەکی کشتوکاڵی دێتە سلێمانی.
بێگەرد تاڵەبانی، وەزیری كشتوكاڵ و سەرچاوەكانی ئاو بە میدیاکانی نزیک لە پارتی راگەیاندووە، “سبەی یەكشەممە 23ـی ئایار، مەسرور بارزانی، سەرۆكوەزیرانی هەرێمی كوردستان لە شاری سلێمانی لەسەر رووبەری 500 دۆنم زەوی بەردی بناخەی پرۆژی دروستكردنی سایلۆیەكی گەنم و چەند كارگەیەكی بەرهەمەكانی گەنم دادەنێ . ”
ئەوەشی وتووە، ”پرۆژەكە زۆر گەورەیە، جگە لە دروستكردنی سایلۆیەك، چەند كارگەیەكیش بۆ بەرهەمەكانی دیكەی گەنم دروست دەكرێن.”
ناوبراو ڕاشیگەیاندووە، “ئەمساڵ بۆ ئەو سایلۆیە گەنم لە جووتیارانی سلێمانی و هەڵەبجە و ئیدارەكانی راپەڕین و گەرمیان وەردەگیرێت، وتیشی “سایلۆ نوێیەكەی هەولێریش 70% كارەكانی تەواوبووە و بۆ ئەمساڵیش گەنم لە جووتیاران وەدەگیرێت.”
ئەمەش لە کاتێکدایە وا بڕیارە ئەمساڵ عێراق تەنها نزیکەى 600 هەزار تەن گەنجی جوتیارانی هەرێم وەرگرێت لەکاتێکدا بەرهەمی هەرێم زۆر لەوە زیاترە و جوتیاران لە ئێستادا نیگەرانن و حکومەتیش تا ئێستا پلانی ئاشکرای لەو بارەوە ڕانەگەیاندووە.
