غالب محەمەد ئەندامی فراکسیۆنی هیوا لە پەرلەمانی عێراق لە ئەژماری تایبەتی خۆی لە تۆڕی کۆمەڵایەتی فەیس بووک هۆکارەکانی گرانبوونی سووتەمەنی ئاشکرا دەکات و دەڵێت :
لە ساڵی ٢٠١٥ لە لایەن وەزارەتی سامانە سروشتیەکانی هەرێم بریار درا کە پاڵ پشتی لە سەر سوتەمەنی هەڵبگیرێت و سوتەمەنی هەمووی بکرێت بە بازرگانی کە لە عێراق نرخی سوتەمەنی جێگیرە و پاڵپشتی(مدعوم) حکومەتی هەیە کە ئەویش لتری بەنزین (٤٥٠)ە، هەر ئەو کاتە وتیان گەر وا نەکەین ناتوانین موچەی خەڵک بدەین بەڵام هەتا ئێستاش کێشەی موچە چارەسەر نەبوو و سوتەمەنیش نرخی گرانبوو !!
ئەو پەرلەمانتارە باس لە ئامانجەکانی حکومەت دەکات لەو کارەدا بەنزین و سوتەمەنی بە گشتی بە بازرگانی کردووە و هۆکارەکەشی بۆ یٔەوە دەگەڕێتەوە کە حکومەت دەیویست لەو ڕێگەیەوە بە چەند ئامانجێک بگات لەوانەش :
کار و پارە بۆ کۆمپانیاکانیاکانی خۆیان پەیدا بکات، وەک پەرلەمانتارەکە ڕایدەگەیەنێت زیاتر لە (٢٠٠) پاڵاوگەی نایاسای هەیە کە وەزارەتی سامانە سروشتیەکان نەوتی خاوی پێ دەفڕۆشێت بە نایاسایی و دەیانەوێت کاریان بۆ بدۆزنەوە .
لە دریژەی نوسینەکەیدا هاتووە: دەسەڵاتی هەرێم هەوڵ دەدات کە کۆمپانیاکانی خۆیان کە قۆرخی سوتەمەنی بکەن بۆ ئەوەی نرخەکەی بە دڵی ئەو کۆمپانیایانە بێت نەک خەڵک .
ئەو پەرلەمانتارە باسی لەوەش کردووە بەرپرسانی حکومەتی هەرێم هەر ڕۆژە و سیناروێیەک دروست دەکەن و خەڵک مشغوڵ دەکەن، یٔێستاش وا سەرەی بەنزینە !
