سەرۆک فراکسیۆنێکی پەرلەمانی عێراق بە کۆرۆنا مرد

سنور ميديا

عەدنان ئەسەدی، سەرۆکی فراکسیۆنی دەوڵەتی یاسا لەپەرلەمانی عێراق دوای دو هەفتە لەتوشبونی بە ڤایرۆسی کۆرۆنا و تێکچونی دۆخی تەندروستی، ئەمڕۆ پێنجشەممە بەهۆی کاریگەری توشبونی بەپەتاکە مرد.

دو هەفتە لەمەوبەر نوسینگەی عەدنان ئەسەدی بڵاویکردبوەوە،  سەرۆکی فراکسیۆنی دەوڵەتی یاسا لەپەرلەمانی عێراق توشی  ڤایرۆسی کۆرۆنا بوە و بەهۆی ناجێگیری دۆخی تەندروستی رەوانەی نەخۆشخانە کراوە.

عەدنان ئەسەدی بۆ ماوەی چەندین ساڵ بریکاری وەزیری ناوخۆی عێراق و یەکێک لەدیارترین سەرکردەکانی دەوڵەتی یاسا بوە.

تائێستا لەعێراق 1001854 (ملیۆنێک و هەزار و هەشت سەد و پەنجا و چوار) کەس توشی کۆرۆنا بون، لەو ژمارەیەش 15098 (پازدە هەزار و نەوەد هەشت) کەس بەپەتاکە مردون.